Dacar-Budhuq: Magacyada Qof ku Dhintay Shil Baabuur Iyo Laba Ku Dhaawacmay
Dacar-Budhuq:06,June,2014(SDN/QJ)- Wararka ay shabakadda Wararka ee Qurbejoog.com ay helayso Degmadda Dacar-Budhuq ee Gobolka Saaxil,ayaa sheegaya in Maanta uu Duleedka Magaalada Ka dhacay Shil Baabuur oo dhimasho iyo Dhaawac keenay.
Sida uu Shabakada Qurbejoog u Xaqiijiyay Agaasimaha Xog Ururinta ee Wasaarada Caafimaadka C.laahi Yuusuf C.laahi oo ku Sugnaa Degmada Laasgeel Waxaa Shilkan baabuur ku naf Waayay alle ha u Naxariistee Marxuun la odhan jiray C.qani Axmed Cilmi .
Waxaa kale oo Shilkan uu dhaawac ka soo Gaadhay Xaamud Sacad Maxamud, Cabdi Naasir Cali Surwaale, iyo Xasan Cismaan Cabdi kuwaas oo loo soo qaaday dhinaca Cisbitaalka Caasimada oo lagu dawaynayo.
Gaadhigan ayaa ahaa nooca loo yaqaao NOAH,ilaa hadda si rasmi ah looma oga Sababta keentay Shilkan Naxdinta leh.waaxaana dadkii ku dhintay iyo Dhaawaciiba la dhigay Cisbitaalka Magaaladda Dacar-Budhuq.
Maalmahan ayaa waxa kusoo badanaya Guud ahaanba Dalka Shilalka dhinaca Gaadiidka,oo dhibaato Xoogan ku haya dadka iskala Goosha Degmooyinka iyo Goboladda Dalka
SDN/QJ-Dacar-budhuq
contact@somalidiasporanews.com