gabay lagu dhaliilayo golaha deegaanka ee burco

waa gabay lagu dhaliilayo golaha deegaanka ee degmada burco waxaana tirisay abwaanad reer togdheer ah oo la yidhaahdo gaasira maxamed siciid waxaana ku kalifay inay mariso gabayga wax qabad la,aanta golaha deegaanka ee ee degmada burco isla markaana hagar daamada ay ku hayaan bulshada qisadan waxa salka ku haysaa mar ay golaha deegaanka burco ay guranayeen dhegxaanta aqalada kasoo hadha iyo kuwo aan wali laga dan dhamaysan kuwaas oo intay ciidan soo kaxaysteen bulshada hagardaamo ugu gaystay.

 

 

burcaa toostay burcaa taahaysoo toga abaal wayday

nimankaan tagaabada u galay tab iyo maal oo dhan

bari hore xumaantaan tirtiray bay dib u talaaleene

kownsalka kaa togdheer iyo qaribay reer burcoo taagan

tumbul dhagaxa doonaaya ee boob tafaha xaytay

ee tiirka naartiyo ku yaal talala hoosteeda

ee aan tagaabiyo lahayn talo lasii maalo

ee aan ninkii taag daraa tidic u reebaynin

faysal kaa tabaaloobay oo ee laga dul toosaayo

xodaygaa talaabada xunee meel danbuun taagan

iyo kuwa ku taageersan ee talada guud haysta

intay cagafta taahaysa iyo toomis kugu xaabin

turuqyayada ku goyn waar kuwani waa tabtii horore

iimaankoodi waa kaa tagoo lagu tabaalowye

ka tashada togdheereey kuwani waa bar kuma taale