Kooxda Al-shabaab Oo Soo Bandhigtay Gaadiid iyo Hub ay ka Qabsadeen Ciidanka Kenya
Nairobi:May,24,2014(SDN/QJ)-Ururka Alshabaab ayaa Shacabka usoo bandhigay Baabuur iyo Hub fudud oo ay lahaayeen ciidamada Kenya, kaas oo ay sheegeen inay Gudaha Kenya kasoo afduubteen.
Gaadhigan ayaa ah kuwa ay ciidamda Kenya caanka ku yihiin, waxana ay Al-shabaabku tilmaameen inay Meelo Gudaha Kenya ah xoog kaga soo kaxaysteen
Waxa kale oo ay Shabaabku soo Bandhigeen dadkii Halkaas joogay iyo qaybo saxaafadda ka mid ahba u soo bandhigeen Aqoonsiyada Saraakiil Kenyan ah, kuwaas ay shabaabku sheegeen inay ku khaarajiyeen Dagaalkii Mandheera ay dhawaan kula galeen ciidanka Kenya.
Baabuurta Ciidanka lagu qaado oo leh taarikada Kenya ayaa ka mida Gaadiidka ay Al-Shabaab ku qabsadeen dagaalkii Mandera ku dhexmaray iyaga iyo Ciiamadda Kenya.
Al-Shabaab ma sheegan inay maxaabiis ka qabteen Ciidanka Kenya hase yeeshee wuxuu bandhigooda sawirada ku beegan yahay xilli uu sarkaal ka tirsan kooxdan oo lagu magacaabo Fuad Maxamed Khalaf uu sheegay inay dagaalkii gudaha Somalia u wareejiyeen gudaha Kenya.
Bandhiggan cusub ee Shabaabka ayaa muujinaya inay Guulo ka gadheen Dagaalada ay ka wadaan Gudaha Kenya, waxana ay warwar gelisay Ciidanka Kenya oo iyagu wali raadinaya Xeeladdii ay kula Dagaalami lahaayeen Kooxdan.
SDN/QJ
Contact@somalidiasporanews.com