Diblo-maasiyiin Masaari ah Oo Booqasho ku Jooga Xarunta Wasaaradda Arrimaha Dibadda Somalia
Muqdisho:May,22,2014(SDN/QJ)-Khabiir sare oo xagga siyaasadda ah oo masar u dhashay, ayaa Booqasho ku tegay Xarunta wasaaradda Arrimaha Dibadda Somalia.
Khabiir Khayru-diin Cabdiladdiif, ayaa Booqashadiisu ay salka ku haysaa sidii ay Dawladdiisu wax uga ogaan lahayd Hannaanka ay u shaqayso Wasaaradda Arrimaha Dibadda Somalia.
Muhiimada booqashada qabiirkan ayaa lagu sheegay inay tahay qiimeynta qalabka iyo tayada shaqaalaha wasaaradda arrimaha dibada Soomaaliya.
Masuulkan oo warbaahinta hadal kooban siiyay ayaa sheegay inuu ku faraxsanyahay inuu soo gaadho Soomaaliya si uu u adkeeyo xidhiidhka ka dhaxeeya labada dal iyo shacab oo leh xidhiidh soo jireen ah.
Waxa uu sheegay in ujeedka safarkiisa uu yahay sidii loo horumarin lahaa shaqada diblumaasiyadeed iyo tayaynta shaqaalaha iyo qalabka wasaaradda arrimaha dibada xukuumada federaalka Soomaaliya.
Dhanka kale, agaasiamaha wasaaradda arrimaha dibada xukuumadda Soomaaliya Xirsi Xaaji Culusoow ayaa sheegay inay soo dhaweynayaan dadaalada dowladda Masar ay ku dooneyso inay tayeyso qalabka iyo shaqaalaha wasaaradda arrimaha dibada Soomaaliya.
Khabiirkan ka socda dowladda Masar ayaa hore u soo noqday danjire iyo wasiir ku xigeenka wasaaradda arrimaha dibadda Masar.
Wasaaradda Arrimaha Dibadda Somalia, ayaa ah mid iska Bilow ah oo u baahan in laga taakuleeyo xagga qalabka iyo waliba Nidaamka casriga ah ee Xarumaha dhiggeeda ahi ku shaqeeyaan.
SDN/QJ
Contact@somaliasporanews.com