Ra’iisal Wasaaraha Somaliya Oo Maanta Muqdisho Ka Furay Kulan Ay Badhi-Taageerayso Qaramadda Midoobay Oo Lagaga Hadlayo Tirakoobka Dadka Somalida
18,May,2014(SDN/QJ)- Ra’iisul Wasaaraha Xukuumadda Federaalka ee Soomaaliya Mudane Cabdiweli Sheekh Axmed ayaa maanta ka qeyb galay Kulan lagu soo bandhigayey qiyaasta tirada dadka Soomaaliya oo ay si wadajir ah u fuliyeen Wasaarada Qorshaynta iyo Iskaashiga Caalamka iyo Sanduuqa Qaramada Midoobay u qaabilsan arrimaha dadka (UNFPA).
Ra’iisul Wasaaraha Xukuumadda Federaalka ee Soomaaliya Mudane Cabdiweli Sheekh Axmed oo furitaankii munaasabadda hadal ka jeediyay ayaa xusay isku dayga laga sameeyay qiyaasta tirada dadka Soomaaliyeed inay fududaynayso in la ogaado guud ahaan tirada dadka Soomaaliyeed oo wixii ka danbeeyay dawladdii dhexe ee Soomaaliya aan lagu samayn tirakoob rasmi ah.
Tirakoob rasmi ah oo lagu sameeyo dadka Soomaalida ayaan marna dhicin,kii u danbeeyey ee la sameeyo isla markaana ilaa hadda laga qiyaasqaato ayaa ahaa sanadkii 1986, waxaa lagu sheegaa dadka Soomaalida in ay ka yar yihiin 10 milyan oo qof.
Laakiin dad badan oo Somaliyeed,ayaa sheegaya in aanay ahayn Wakhtigani,Wakhtigii laga hadli lahaa Tirakoob iyo wax la mid ah,iyaga oo ku doodaya in Badiba dalkii aanu haysan Nolol iyo Kaabayaashii Nolashaha oo dhamaantood aan ahayn qaar ka jirin Dalka Somaliya.
Waxaana lagu Eedeeyaa Xukuumadda haatan uu Gadhwedeenka ay ka yihiin Xasan Sheekh Iyo CabdiWali qaar la jaan qaadi Karin,waxna aan u qabanin iyada oo Muhiimadda Kowaad la siinayo baahiyaha dhabta ah ee Maanta la dariska ah Ummadda Somaliyeed.
SDN/QJ-Muqdisho
contact@somalidiasporanews.com