Atletico Madrid Ayaa Loo Cumaamadeeyey Horyaalka Spain ee La Liga Markii 1-1 Isla Dhaafiwaayeen Barcelona.(By Jaahuur)

Barcelona-17-May-2014 (SDN) Akhyaartay qormadeena ciyaaraha waxaynu ku soo qaadaneynaa horyaalkii Spain ee La Liga oo lagu kala haajirey markii Real Atletico oo hal dhibic u baahneyd ka heshey Barcelona loona caleemo saarey hanashada La Liga 2014.

Ciyaartan oo la wada sugayey waxay ka dhacdey garoonka weyn ee Barcelona (Campo Nou Stadium) waxaana ka soo qeyb galey dadweyne kor u dhaafey 65,000 iyo taageerayaasha labada dhinac.

Qeybtii hore ee ciyaarta oo runtii aan waxba la isu reeban ayaa daqiiqaddii 33-aad Barcelona ku aftaxdey gool aad u qurux badan waxaana u saxeexay Sanchez Alexis,waxaana lagu kala nastey Barcelona 1- Madrid 0.

Qeybtii dambe ee ciyaarta daqiiqaddii 49-aad ayaa Madrid heshey goolkii aay u baahnaayeen waxaana shabaqa ku hubsadey Diego Godin ciyaartuna waxay ku soo dhamaatey 90-kii daqiiqo ee loogu tala galey Barcelona 1- Atletico Madrid-1.

Haddba walow aay Atletico Madrid ku guuleystey La Liga hadana caasimadda Portugal ee Lisbon waxay ku balansanyihii Real Madrid oo isku magaalo yihiin (Champion League Final 2014) Sat May 24 ee daawasho wacan.

W/ qorey Jaahuur

SDN

jjaahuur@hotmail.com