Arsenal Ayaa Faro Ciddile Ku Hantidey Fa Cup Markii 3-2 Ku Samarsiiyeen Hull City.(By Jaahuur

London-17-May-2014-(SDN) Saaxiibayaal qubanaheena ciyaaraha waxaynu ku soo qaadaneynaa ciyaar dhexmartey Arsenal iyo Hull City oo ahayd Fa Cup Final.waxayna ka dhacdey Wembley Stadium.

Ciyaartan oo runtii aad u xiisa badneyd waxaa ka soo qeybgaley dadweyne caga cageynaya 70,000 iyo dabcan taageerayaasha labada dhinac.

Haddii aynu u jiheysano ciyaarta qeybtii hore daqiiqaddii 4-aad waxaa Hull City u xaqiiqsatey goolkii ugu horeeyey iney kaga naxsato Arsenal kii labaadna kii labaadna waxay u raaciyeen daqiiqaddii 8-aad,lakiin Arsenal waxay niyaddu u degtey daqiiqaddii 17-aad markii aay la timid gool aad u qurux badan

Ciiyaarta qeybteedii dambe oo ka xiiso badneyd tii hore ayaa Arsenal waxay ka faa’iideysatey Hull City markey difaac isku uruuriyeen,daqiiqaddii 69-aad ayaa neeftu ku soo noqotey markey keensadeen goolkii barbardhaca ciyaartuna 90-kii daqiiqo ee loogu tala galey waxay ku dhamaatey 2-2.

Sida caadadu tahay waxaa loogu darey 30 daqiiqo,laakiin Arsenel waxay nasiib u yeelatey in 15-kii daqiiqo ee dambe dhashadeen goolkii aay koobka ku qaadeen.

W/qorey Jaahuur

SDN

jjaahuur@hotmail.com