Macallin Kenyan ah Oo Habeenkii Xalay Lagu Toogtay Magaalada Galkacyo
Galkacyo:May,08,2014(SDN/QJ)-Waxa Habeenkii Xalay Lagu DilayMagaalada Galkacyo nin u dhashay dalka Kenya oo muddo macallin ka ahaa Dugsi Vission International lagu magacaabo oo halkaas ku yaalla.
Macallinkan ayaa la sheegayaa in Habeenkii Xalay abbaaro 8:00-habeenimo lagu toogtay wajahadda hore ee Dugsigii uu dhigayey, isagoo markaas ka soo baxay Xiisad uu Halkaas ka bixinayey.
Macallinkan ayaa magaciisa lagu sheegay mr Kanad, iyadoo da’diisa lagu sheegay 50-sano jir, waxana uu macallin ka ahaa halkaas tan iyo sanadkii 2013-kii, mana jirin wax cabsi ah oo uu qabay.
Wali lama sheegin cidda ka dambaysay Dilka macallinkaas, waxana Goobta iskaga cararay Kooxdii dilka geysatay oo Bastoolado ku hubaysnaa.
Waxa jira macallimiin badan oo u dhashay dalka Kenya, kuwaas oo wax ka dhiga Dugsiyo ku yaalla Somaliland. Puntland, Galmudugu iyo Goobo kale oo ka mid ah Deegaanada Somalida.
SDN/QJ
Contact@somalidiasporanews.com