Xubin Ka Tirsan Guddida Caddaalada Oo Maalintii 6-lixaad u Xidhan Wasiir Xaglo-toosiye Oo Dhaar Ku Maray Inaanu wax waan-waan ah Ka Gelaynin
Hargeysa:May,01,2014(SDN/QJ)-Xubin ka tirsan Guddida Caddaalada Somaliland ayaa Maalintii lixaad u xidhan wasiirka wasaaradda Caaafimaadka Somaliland Saleebaan Ciise Axmed Xaglo-toosiye.
Xubinta Xidhan oo Magaciisa La Yidhaahdo Shariif, ayaa Ayaamihii shirka Kulmiye Qabanqaabadiisu socotay oo muranka iyo yoo-yootanku ka taagnaa xubnaha ergooyinkiisa.
Shariif ayaa la sheegay inuu xarunta dhexe ee Xisbiga kula dhex dagaalamay Wasiir xaglo-toosiye, isagoo wasiirka Gaadhsiiyey Nabarro fudud oo feedhadh u bandaa, waxana ay taasi keentay in xabsiga loo taxaabo Masuulkan ka tirsan Hay’adda Caddaalada Somaliland.
Wasiirka ayaa amar ku bixiyey in xabsiga la dhigo masuulkan, waxana uu ilaa iyo haatan diidan yahay in wax waan-waan ah lagala galo sii daynta Masuulkan muddada dheer ku jirey Saldhigga.
Tallaabooyin badan oo la isku dayey in lagu sii daayo Xubinta ka tirsan Guddida caddaadada ayaa dhammaantood Guuldarraystay, kaidb markii uu wasiirku si cad u diiday inuu aqbalo maslaxaadda iyo dhexdhexaadinta lagu sii daynayno masuulkaas.
Sida ay sheegayaan ilo xog-ogaal ah oo ay heshay Qurbejoog.com, wasiirka ayaa dalbaday Raalligelin buuxda in laga siiyo dagaalkii lagu qaaday k hor inta aan la sii daynin Masuulkan, taas oo uu masuulkuna diiday isagoo ku andacoonaya inuu awood wasiir ku xidhan yahay oo uu xidhnaa muddo badan oo dhaafsiisan heerka dambiga lagu haysto.
Wasiirrada Xukuumadda Maddaxweyne Siilaanyo ayaa inta badan marka ay cid isku dhacaan Adeegsada awoodda iyo shaadhka wasiirnimo, iyagoo ku xad-gudba xuquuqda muwaadiniinta kale ee aan xilalka haynin.
SDN/QJ-Hargeysa