MADAXWEYNAHA XASAN SHEEKH MAXAMUUD WAA IN UU IS CASILA AMA WAA IN UU WAX MUUQDA UU QABTA SHACABKIISA LABADAAS MID KOOD HA YEELO
Shacbiga Soomaaliyeed Waxay dhahaan ” Run iyo Ilko waa la cadeeya” sababta aan hadal kaas u soo qaatey waxay tahay markii aan u adkeysan waayay dhibka heysta Shacbiga soomaaliyeed meel kaste ha jooggan, Qaas ahaan Reer Nairobi.
Madaxweynaha Jamhuuriyadda federalka ee Soomaaliya Mudane Xasan Sheekh Maxamuud wuxuu beryahaan danbe ku fashil may siyaasadda sababtoo ah waxaa beryahaan danbe soo if baxay Dhibka heysta Shacbiga Soomaaliyeed ee ku nool Dalka Kenya xita waxaa dhacday in Madaxdii Safarada Soomaaliya ee Nairobi joogey ay noqdeen Maxabiis Qaxooti ahaan loo qabto aydoo la ixtiraami waayay in ay yihiin Diplomaasiyiin Soomaaliyeed taas waxaa ka daran in Madaxweynihii uu iska Aamuso oo wax hadal ah ama war ah laga waayo oo ku saabsan dhibka heysta Shacbiga Soomaaliyeed ee Qaxootiga ku ah Nairobi.
Hadaba Dhibka Soomaalida heysta aad iyo aad ayuu u badan yahay haddii ay jooggan Dalka Gudihiisa ama Dibadiisa waxaan talo ahaan u soo jeedin laha Madaxweynaha Jamhuuriyadda Federalka ee Soomaaliya in laba arrin mid kood uu yeelo.
1) Madaxweyne Xasan Sheekh Maxamuud waa in uu noqdo Geesi Difaaci kara Dadkiisa iyo Dalkiisa isla markaana u tixgeliya waxa ay doonayaan Shacbigiisa meel kaste ha jooggan, kana shaqeeya Horumarka Dalka , waana in uu iska Ilaaliya danaha Shisheeye ay doonaayaan maxaa yeeley wuxuu Madaxweyne u yahay Shacbiigiisa Soomaaliyeed waana in uu shaqeeya Si daacad ah iyo howl karnimo ku jirto .
2) Madaxweyne Mudane Xasan Sheekh Maxamuud haddii uu san Difaci karin Xaquuqda ay leeyihiin Shacbigiisa Soomaaliyeed ama Danaha dalkiisa , waxaa u haboon in uu si deg deg ah isku Casilo maxaa yeeley waxbaan qaban waayay ceeb ma ahan ee waa Sharaf, Tusaale yar haddii aan ku siyo: Ra’iisal Waasarihii Koonfuurta Kuuriya wuu is Casilay isagoo Qofna aan Qasbin sababta waxay tahay Arday Kuuriyaan ah oo Markab kii ay wateen ayaa badda ku Gudoomay ama dhex galay waxaana ku dhintay ardaydii.
Mudane Madaxweyne waa iga talo ee labadaas talo mid yeel laakiin afeef aniga ha igu xanaaqin maxaa yeeley Dhibka Shacbiga ayaan u adkeysan waayay.
Mahad sanid,
Mr. Dahir mohammed Sheikh
Email: mr.dahir@msn.com
Nairobi Kenya