Nairobi: Gabadh Uur leh oo Somaliyeed Dabaq ka soo Dhacday,Xili ay ka Gabanaysay Ciidamo Al-Baabka ku Soo Garaacay
27,Apr.2014(SDN/QJ)-Iyada oo ay wali sii socdaan raafkii iyo qabqbshadii aan kala sooca lahayn ee lagu hayay dadka Somalida ah eek u nool Xaafadda Islii ee Magaaladda Nairobi,ayaa waxa la sheegayaa inay xalay halkaasi ka dhacday dhacdadii ugu naxdinta iyo argagaxa badnayd,taasoo dad badan oo somaliyeed uur-kubaalo xoogan ku abuurtay.
Gabar uur ah oo soomaali ah ayaa ka dhacday dabaqa sadaxaad ee dhismo ay ka degan tahay xaafadda Islii ee magaalada Nairobi.Haweenaydaasi ayaa ka baqeysay inay xidhaan askar albaabka ku garaacay xilli saqdhexe ah.
Waxayna isku deyday inay daaqadda uga dhuumato ciidanka, balse argagax ayey halkaasi kala dhacday.
Nadiifo cabdi ayaa la geeyay cisbitaalka Nairobi East si halkaasi loogu daaweeyo.
Ilaa hadda hadana xog rasmi ah laga hayo Xaaladda ilmihii yaraa ee Uurka ku jiray.
SDN/QJ-Nairobi
contact@somalidiasporanews.com