Cali Khaliif Galaydh oo ka degay Taleex iyo Xaaladda oo Kacsan,kadib markii la sheegay inay Magaaladda ku waajahan yihiin Ciidamo si Xoog ah u Hubaysan oo ka Socda Milatariga Somaliland
20,Apr.2014(SDN/QJ)-wararka soo gaadhay Shabakadda Caalamiga ah ee Somalidiasporanews,ayaa sheegaya in ay goor dhaweyd ka soo dageen magaaladda Taleex koox ay hogaaminayaan Cali Khaliif Galaydh iyo Cali Ciise oo ka mid ah kooxo Qas ka wada magaaladda Taleex ee Somaliland.
Sida wararka Hordhaca ah ee ka soo baxaya kooxdani ay sheegayaan waxay ka soo kicitimeen magaaladda Muqdisho, waxaanay wateen diyaarad khaas ah oo ay usoo kaxaysteen sidii ay uga bilaabi lahaayeen Olole siyaasadeed, kaasoo ka dhashay Hinaase ka dhan ah Hawl-galkii Ciidamadda qaranka Somaliland ay dhawaan ku tageen magaaladaasi.
Cali Ciise iyo Cali Khaliif Galayd, ayaa wada Qalalaase siyaasadeed iyo dagaalo lagu hoobto oo Gar-daro ah, iyadoo Somaliland maanta uga digtay in kooxaha Nabad-diidka ah ee ay hogaaminayaan faragalin ku sameeyaan xuduuda Somaliland gudaheeda.
Dhanka kale Ciidamada Somaliland ayaa Maanta la sheegayaa inay ku ruqaansadeen dhinaca Magaaladda Taleex.waxa kale oo ay wararku tilmaamayaan in dadka ay cabsi lasoo daristay.taas oo ku aadan suuragal nimadda in lagu kor dagaalamo.
SDN/QJ-Taleex,Somaliland