Roobab Xoogan oo Maalmihii ugu danbeeyay ka da’ayay Magaaladda Daara-salaam oo Khasaare baaladhan gaystay
14,Apr.2014(SDN/QJ)-Roobab laxaad leh oo ka da’ayay maalmihii ugu danbeeyay Magaaladda Daara-salaam ee Caasimadda Dalka Tanzania,ayaa waxay gaysteen Khasaare dhimasho,dhaawac iyo burbur Hantiyeed leh.
Wararka ayaa sheegaya in khasaaraha ugu badani soo gaadhay dadka danyarta ah eek u nool Xaafadaha isku raranta ah ee magaaladda Daara-salaam.Waxaana haatan xidhan badiba Wadooyinka Magaaladda ku xidha qeybaha kale ee Wadanka.
Sida laga soo xigtay ilo Dawladda ku dhaw dhaw ilaa 10 qof,ayaa ilaa hadda la xaqiijiyay inay ku dhinteen Robabkan aan kala go’a lahayn ee ka da’aya Magaaladda.
Sida la xasuusto sanadkii 2011-kii ayay ahayd markii dad gaadhaya 45 qof ay ku dhinteen robab sidan oo kale uga da’ay Magaaladaasi.
Waxaana haatan soconaya isku dayo Samatabixneed oo balaadhan oo ay Hormuud ka tahay Xukuumaddau.
SDN/QJ-Tanzania