Wefti uu Hogaaminayo Ra’isal Wasaaraha Somalia oo Goor dhawayd gaadhay Kismaayo(SAWIRO)
Kismaayo 12.April 2014 (SDN)-Raysul wasaaraha dowladda federaalka Soomaaliya Cabdiweli Sheekh Axmed iyo wafdi uu hoggaaminayo ayaa goor dhowayd ka degay magaalada Kismaayo ee xarunta gobolka Jubbada Hoose.
Madaxweynaha maamulka KMG ah ee Jubba, Axmed Maxamed Islaan iyo xubno ka tirsan maamulkiisa ayaa raysul wasaaraha iyo wafdigiisa ku soo dhoweeyay garoonka diyaaradaha ee magaalada Kismaayo.
Waxaa raysul wasaaraha socdaalkiisa ku wehliya wasiir ku xigeenno iyo xubno ka tirsan baarlamaanka federaalka Soomaaliya.
Waa booqashadii ugu horreysay ee raysul wasaare Cabdiweli Sheekh uu ku tegay magaalada Kismaayo tan iyo markii uu xafiiska qabtay dabayaaqadii sanadkii la soo dhaafay.
Booqashadiisa Kismaayo ayaa la sheegay inay qeyb ka tahay booqashooyin uu maalmahan ku marayay qeybo ka tirsan gobollada dalka.
Raysul wasaaraha ayaa horey u booqday magaalooyinka Jowhar iyo Buulo-burte.
Kismaayo SDN.