Maanso Cusub Oo La Baxday Silanyo Siyaasi, Lagu Hungoobay Siyaadka Sanadka.Waxa Curiyey Wariye Cabdiraxmaan Dhadhere.

Halkan Waxaan idinku soo gudbinayaa Maanso Gaaban Oo La Baxday (Silanyo Siyaasiga Lagu Hungoobay Siyaadka Sanadka) oo aan Curiyey 8/4/204,taasi oo aan kaga damqaday ama ugu dhalatay markaan arkay xaaladaha qalafsan ee haatan ka jira Dalkeena Somaliland,taasi oo ay kow ka tahay tacadiyada Saxaafada Xorta ah,xoriyatul qawlka iyo musuq-maasuqa hadheeyay Xukuumadda uu Hogaamiyo Madaxwayne Axmed Silanyo,iyo ku tagri falida hantida dadwaynaha ee ay ku tagri falayaan dadka aan xukunka ehelka u ahayn balse meelo kale oo qaraabo kiilnimo ah xukunka gacanta ka soo galiyey.

Silanyo Siyaasi
Lagu Huboobow
Siyaadka Sanadkow
Saxafadii Saxnaydee
Kuu Sacabo Tumi Jiray
Sawdigan Saluugee
Seetada Ku wada Xidhay
Haatuf Iyo Hubaal Iyo
Sawdigan Surmeeyee
Seetada Ku Wada Xidhay
Silanyo Siyaasi
lagu Hungoobow
Siyaadka Sanadkow
Sabadii Wacnayd Iyo
Somaliland Dalkeenii
Sawdigan Sad Qeeyee
Sumadii Wacnayd Iyo
Dimuqraadinimadii
Surinkii Ka Baydhee
Wuxuu Saxafi Qoro Iyo
Xoriyatul Qawlkii
Seetada Ku Wada Xidhay
Silanyo Siyaasi
Lagu Hungoobow
Siyaadka Sanadkow
Sinaantiyo Dastuurkii
Sawdigan Saaka Saydhee
Dadka Kala Jeclaysiyo
Sumadii Xumaydee
Qabyaaladi Ka Kowtahay
Sawdigan Sabo Wadaagtii
Soo Kala Dhex-dhigayee
Dalkii uu Siloonyahay
Silanyo Siyaasi
Lagu Hungoobow
Siyaadka Sanadkow
Dadkii Kii Suudhka Kuu Xidhay
Saaka Maxay Ku Suganyiin
Sawkuwan Surmiyayee
Saakaba Dabloo Shidin
Su`aashaydu Waxay Tahay
Kuwan Kula Saf Joogee
Mansabyada Sareeyiyo
Aad u Saydhay Laacee
Hirqanaya Hantida Dadwaynaha
Awooduna U Dheertay
Silanyo Waa Maxay?
Bal u Saaf Dadwaynaha.

La Soco Qaybta Labaad.

dhadhere09@gmail.com.