Sadex Sarkaal oo Alshabaab ah oo Ku Geeriyooday Qarax Miino ay Farsamaynayeen

Galhareeri 04.April 2014 (SDN)-Saddex ka tirsanayd Saraakiisha maleeshiyada Al-shabaab ayaa dhimatay, mid kalana wuu dhaawacmay, kaddib markii uu ku qarxay madfac oo ay ku farsamaynayeen deegaan ku dhow degmada Galhareeri ee gobolka Galgaduud.

Goob-joogeyaal ayaa u xaqiijiyey Warfidiyeenka in ragga geeriyooday iyo kan dhaawacmayba ay  malleeshiyada u qaabilsanaayeen cillad-bixinta gaadiidka dagaalka iyo hubka.

Warka ayaa intas ku daraya in qofka dhaawacmay la geeyey rug caafimaad oo ku taal Galhareeri, si loogu daweeyo.

Ciidanka dowladda federalka ah ee Soomaaliya iyo kuwa AMISOM ayaa dhowaan la wareegay gacan ku haynta inta badan deegaannada maleeshiyada Al-shabaab ay uga sugnayd gobolka Galgaduud.

Galhareeri SDN,

Qurbejoog@gmail.com