Gudoomiye Muuse Biixi oo Ka Hadlay Sababta Kulmiye uu Isugu Bedelay Xisbigii Udub iyo Asbaabta Kaliftay Kordhinta Tirada Ergada Shirweynahooda Mudo dhaafay
Hargaysa 03.April 2014 (SDN)- Ergada Shirweynaha Xisbi Xaakimka Somaliland ee KULMIYE,ayaa mar kale la kordhiyay laguna daray tiro kor u dhaaftay Laba boqol,taasoo uu maanta Guddoomiyaha Xisbiga KULMIYE Muuse Biixi Cabdi ka war bixiyay tirada ay ku dareen iyo sababaha dhaliyay inaykordhiyaan ergada ka soo qayb galaysa shirweynaha Xisbiga KULMIYE oo dhawaan la filayo inuu qabsoomo.
Waxaa kaloo uu ka hadlay Guddoomiye Muuse Biixi Cabdi taageerayaal gobolada dalka oo dhan ah ,siyaasiyiin iyo Xildhibaanno ku soo biiray oo ka tirsanaa Xisbi xaakimkii hore ee Somaliland UDUB ee ka baxay saaxada Siyaasada kuwaasoo uu sheegay inay mudnaantooda leeyihiin.
Gudoomiyaha Xisbiga Muxaafadka ah ee KULMIYE Muj:Muuse Biixi Cabdi Oo maanta u w xarunta guud ee Xisbiga KULMIYE ku qabtay shir jaraa,id,ayaa daboolka ka qaaday inay ergooyinkii ka qayb galayay shirwynaha Xisbigiisa ay ky dareen 221-Xubnood oo Ergooyin ah lagu kordhiyey,Tirada ergooyinkii hore ee lagu dhawaqay waxaana uu sheegay in ay gudida qaban qaabadu ay farsmo ahaan uga maarmi weyday gudida fulinta ee Xisbiga inay arrintaa isla eegaan..
“Gudida Qaban qaabada oo ah gudi farsamo oo aanu hawshan u dirnay meel fiican ayey soo gaadhsiisay haseyeeshee qodobada qaar baa ku adkaaday oo ay u baahdeen In hogaanku la eego,waxay noo keeneen sabtidii sadex cishana waaanu ku dhamaynay,sadexdaa cishana wax dhibaata ah iyo wax rafaada oo naga gaadhayna ma jirin..markaa shirweynaha hawlihii farsamo ee qolada qaban qaabinta ahi naga codsadeen waanu dhamaynay waxaana nagu soo baxay farsamooyinka ay iyagu u baahdeen inaan xalino oo iyagana aan awoodooda ahayn oo awood noqotay gudi fulineed..”.
Muuse Biixi Cabdi Waxaa uu sida oo kale uu ka hadlay qodabadii ugu darnaa ee keenay in shirweynaha qabashadiisa dib loo sii riixo, iyo UDUBta KULMIYAWDAY waxay ugu talo galeen waxaanu uu yidhi:
“..Gobalo dhan iyo baarlamaan dhan oo u udub ahaa oo xaga kulmiye u soo diga rogtey arintaasina waxaa ay u baahatay marka hore in la so dhaweeyo oo waa tu aan u baahanahay waanu soo dhaweynaynaa cida nagu soo biirtay oo dhanba oo waxaa loo baahday sharciyadeedii iyo isla ogalaashiyaheedii xisbiga in si sifo sharci ah ay dadkaasi ergada uga qayb galaan ilayn iyagu may ahayn dadkii markii hore xisbiga ka qayb galayee halka culaysku naga haystay iyagana gudida qaban qaabada haysaray taasa ayey ahayd.waxaaa kale oo nagu soo baxay laba qodob oo kale oo qaban qaabada gacan toodu xalin Karin weyday waxaa weeye mujtamceenu marka aynu siyaasada ka hadlayno haweenka somaalidu meel ay joogaanba gaar ahaan kuwa somalilad marka ay joogaan meel waxlagu qaybsnaayo kuwa siyaasiga ahi waxba looma ogala,hadana marka wixii gobalo la geeyo ama degmooyin somalidu dhawr cudur oo ay qabaan ayaa ku jira oo markaaba ay isha ku eegayso deetana inanta waxbaba loma ogala kay u dhaxday iyo kay ka dhalatayba halkaasna waxaa nooga soo baxday inaan dumarkii aanu wax gaara u qabano.ka sadexaad waxa weeye ee nagu soo baxay dadka layidhaahdo qurbe jooga oo marka waxa lagu qaybinaayo hadaad gobalo aad dirto oo gobaladiina deegaamo ay tagayaan oo deegaamadiina ay qabaa’il noqondoonaan qurba joogii waxba u hanbayn maayaan kaana waxaa ay noqotay inaan qayb aanu ugoyno waxaana qaybahaa aan kuu soo sheegay naga qaadatay inaan ergada aanu ku darno ilaa 221-Xubnood oo ah intaan uku darnay ergada.. tirada guudna waxaa ay noqotay 1162-Xubnood oo Ergooyin ah waayo waxaanu ku darnay”.
Hargaysa SDN.
Qurbejoog@gmail.com