Toddoba (7) Qof Oo Safar ahaa Oo Qudha lagaga Jaray Deegaanka Buurhakaba

Buurhakaba:24-March-2014(SDN)-Wararka Ka Imanaya Deegaanka Buurhakaba ee Gobolka Baay ayaa sheegaya in Habeenkii Xalay Koox Hubaysan oo aan La Xaqiijin cidda ay yihiin ay Halkaas ku Dileen Odayaal Deegaankaas  ka Soo Jeeda Xilli ay Gaadhi ku safrayeen.

Warar aan la xaqiijinn Karin ayaa sheegayaa in Kooxda Dilka geysatay ay ka Tirsanaayeen Alshabaab, waxana Halkaas lagu Dilay 7-Qof oo dadkii rakaabka aha aka mid ah, halka ay laba kalena dhaawaceen.

Meydadka Odayaasha oo Jidhkooda ay ku taallo Rasaas badan, oo ah tii lagu toogtay ayaa lasoo dhigay Tuulada Jameeco oo 10 km u jirta Degmada Buurhakaba, waxaana meesha kasoo qaaday Maamulka Degmada iyo Shacabka, sida ay Wararka sheegayaan.

 

Dad ku safrayay Wadada ayaa arkay Meydadka kadibna ku wargeliyay Maamulka Degmada oo markii dambe soo qaaday.

 

Waa Dhacdo ay si aad ah uga naxeen Shacabka Degmada Buurhakaba, waxaana ay sheegeen in Al shabaab ay ka danbeeyeen Dilka loo gestay Odayaasha, iyagoo ka codsaday Maamulka in ay wax ka qabtaan Arrimaha Noocan oo kale.

 

Kooxda Alshabaab ayaan wali ka hadlin eeddan loo soo jeediyey, waxana Haatan ay ku mashquulsan yihiin sidii ay u difaaci lahaayeen Goobo ay  hore u haysan jireen  oo loogu  soo Galay iyo Dagaallo cusub oo lagu soo Qaaday.

 

S.D.N

Contact@somalidiasporanews.com