Madaxweynaha Puntland Oo Aqalkiisa Ku Qaabilay Madaxda Sare Ee Hay’adda ICRC Somalia
Garoowe Mar 20,2014(SDN)-Madaxweynaha Dowladda Puntland ee Soomaaliya Dr. Cabdi-weli Max’ed Cali Gaas ayaa galabta gurigiisa ku qaabilay masuuliyiinta ugu sarreeya Hay’adda ICRC Ee Somalia .
Masuuliyiinta ICRC ayaa Madaxweyne Gaas uga mahad naqay sida wanaagsan ee uu u qaabilay, saraakiisha ICRC ayaa kala ahaa Mr. Patrick Vial oo ah Madaxa ICRC Somalia, Mr. Patrick Hamilton oo ah Ku Xigeenka Madaxa ICRC, Abshir Cumar Huruuse oo ah Madaxa ICRC Puntland.
Masuuliyiinta ICRC ayaa Madaxweyne Gaas sharaxaad ka siiyay mashaariica ay Puntland ka qabtaan iyo kuwa la fulin doono, waxayna sheegeen in wax qabadoodu uu salka ku hayo arrimahan.
1- Gar-gaarka Dhaawacyada Dagaalada Iyo Masiibooyinka.
2- Qodista Iyo Dayactirada Ceelasha Biyaha iyo barkadaha.
3- Dayactirka Faya Iyo Tababarda Xabsiyada Bosaso/Galkacyo.
4- Daaweynta Xoolaha.
Madaxweyne Gaas ayaa dhankiisa hay’adda ICRC uga mahad naqay sida wanaagsan ee uga shaqeeyaan arrimaha bulshada, wuxuuna ku adkeeyey inay sii xoojiyaan.
Kulanku intuu socday waxaa si qotta dheer looga hadlay dar-dar gelinta mashaariicda ay ICRC ka wado Puntland iyo arrimo kale, waxaana ICRC ay ballan qaaday inay sii laba jibaarayso howlaha ay Punyland ka qabato.
SDN-Garoowe