Eng Faysal Ali waraabe oo booqasho ku jooga dalka Tanzania, lana kulmay jaaliyada Somaliland ee Dalkani Tanzania

14,March 2014 (SDN)-Guduumiyaha xisbiga cadaalada iyo daryeelka somaliland Ucid Mudane Faysal Ali Waraabe, ayaa booqasho ku jooga magaalada Daresalam ee dalka tanzania.

Mudane faysal ali waraabe ayaa la kulmay qayb ka mid ah jaaliyada somaliland ee dalka Tanzania kulankaas oo ka dhacay guriga maalqabeen reer Somaliland ah oo lagu magacaabo Mohamud Ahmed Sheekh .

Kulankan ay la yeelatay jaaliyada reer Somaliland ee ku dhaqan magaalada daresalam ee dalka tanzania iyo gudoomiyaha xisbiga ucid mudane faysal ali waraabe ayaa  looga wada hadlay  xaalada guud ee dalka gaar ahaan siyaasada, horumarka, god daloolooyinka iyo waxyaabaha ay ka gaabiyeen xukuumadihii kala danbeeyey ee Somaliland soo maray somaliland.

Shacabka isugu yimid kulankan oo u badnaa ganacsato ayaa iyana dhankooda waydiiyey su’aalo ku saabsan xaalada guud ee dalka iyagoona usoo jeediyey talooyin muhiim ah.

 

kulankan ayay aad u soo dhaweeyeen  kuna soo gaba gaboobay isbarasho iyo xog waran dhexmaray labada dhinac.

Tanzenia, SDN.