Gudoomiyaha Xisbiga Ucid oo Magacaabay Xilka Xoghayaha Daryeelka Xuquuqda Aadamaha

Hargaysa 12.Jan 2014 (SDN)- Guddoomiyaha Xisbiga Mucaaradka ah ee UCID Eng. Faysal Cali Waraabe ayaa wareegto uu soo saaray ku magacaabay Xoghayaha Daryeelka Xuquuqda Aadamaha.

Wareegtada Gudoomiyaha Xisbiga Ucid ayaa U Dhignayd Sidan :- Xisbiga Caddaalada iyo Daryeelka UCID Markuu arkay baahida wayn ee loo qabo in la Buuxiyo Xilkan Banaan lana Magacaabo Xoghayaha Daryeelka Xuquuqda Aadamaha ee Xisbiga UCID,

Markuu Xisbiga UCID ku qancay kartida iyo Waayo aragnimada dheeraadka ah ee uu u leeyahay Arimaha Xuquuqal Aadamaha  waxa uu maanta oo ay taariikhdu tahay 11/01/2014 u magacaabay Xoghayaha Daryeelka Xuquuqda Aadamaha ee Xisbiga UCID Md. Xuseen Xasan Badmaax oo hore u ahaa Ku-Xigeenka Xoghayaha Araimaha Gudaha ee Xisbiga UCID.

Isla markaana Waxa la faray in hawshiisa si dhakhso ah u bilaabo kana soo baxo waajibaadka loo igmaday.

Waxaanu Illaahay uga baryaynaa in uu  u fuduudeeyo hawsha loo dhiibay

ALLA                         MAHAD                       LEH

Gudoomiyaha Xisbiga UCID        Eng. Faysal Cali Waraabe

Hargaysa SDN.

Qurbejoog.com