Nabad-doon Xalay La Khaarajiyey iyo Xaaladda Deegaanka Afgoye oo Saaka Kacsan
Afgoye:28-Dec-2013(SDN)-Wararka ka soo Baxaya Deegaanka Afgoye ee Gobolka Shabeelada Hoose ayaa sheegaya in halkaas xalay lagu dilay Nabadoon caan ahaa ee Deegaankaas u dhashay.
Shacabka halkaas ku dhaqan ayaa sheegaya inaan si fiican loo aqoonsan cidda ka damabysay dilka Nabaddoonka, waxana ay sidoo kale tilmaameen inay saaka dhulkaas ka taagan tahay cabsi baahsan oo ku aaddan dilal iyo dagaalo hor leh oo lagaga jawaabayo dilka Nabad-doonka dhintay.
Wararka illaa iyo haatan na soo gaadhaya, ayaa sheegaya inuu jiro shaki ah inuu Nabaddoonku u dhintay Aano hore oo qabiil, iyadoo taasina dad badan oo halkaas ku noolaa ku ridday Cabsi iyo inay Lafahooda la baxsadaan.
Ciidanka Dawladda ee Halkaasi ku sugan, ayaa iyagu si weyn iskugu ballaadhiyey meelaha dilku ka dhacay, waxana ay haatan isku dayayaan inay ka Hortagaan isku day kasta oo dadka Nabaddoonku ka dhashay ay Rabshad ku abuuri karaan.
Dilalka Dadka caanka ah iyo kuwa Nabadda hormoodka u ah ayaa muddooyinkii ugu dambeeyey si weyn caadi uga noqday somalia, waxana haatan laga Cabsi qabaa inay arrintaasi keento dagaal ballaadhan oo curta.
S.D.N