Ayax Koron Kor ah oo Ka Dilaacay Xeebaha Somaliland iyo Khasaare uu Gaystay

Hargaysa 26.Dec 2013 (SDN)- Koronkor ayaa lagu soo waramayaa in ay ka dilaacday xeebaha Somaliland kadib markii ay dhawaan Roobab khasaare gaystay ka da’een jiidahaasi, kuwaas oo laayey isla marakaan barakiciyey Dad iyo Xoolo.

Qaylo dhaan la xidhiidha Koronkorta lagu arkay xeebaha Somaliland ayaa meelaha ugu daran waxa laga soo sheegayaa xeebta Galbeed iyo agagaarka Gobolka Saaxil, halkaas oo ay durtaba ka muuqato in ay dilaacayso, iyadoo meelaha qaarkoodna ay dilaacdayba.
Xildhibaano ka tirsan deegaanada laga soo sheegayo koronkortan oo noqota aakhirka Ayax ayaa sheegaya in dalagii beeraha durtaba ay fuulayso koronkortu isla markaana haddii aan dhakhso looga hortagin keeni karta khasaare balaadhan oo dhinaca Cuntada ah.

Xildhibaan Gaagaale oo ka mid ah Golaha Wakiiladda ayaa  sheegay in ay bilaabeen Olole ay wasaaradaha ay arrintani khusayso ugu gudbinayaan khasaaraha ka dhalan kara isagoo sheegay in ay dhawr wasaaradood ku wargeliyeen.

Hargaysa SDN.

Qurbejoog.com