Mid ka Mid ah Shaqaalaha Salaam Banka Oo Xalay Muqdisho Lagu Toogtay
Mugdisho:1-Dec-2013(SDN)-Wararka ka Imanaya Magaalada Muqdisho, ayaa sheegaya in Habeenkii Xalay kooxo hubaysan oo aan Haybtooda la aqoosanini ku toogteen mid ka mid shaqaalaha Salaam Bank.
Goobjoogayaal ku sugan goobka dilka ayaa sheegaya In kooxo Hubaysani Toogteen marxuumka oo markaas aqalkiisa ku sii jeeda.
Kooxda dilka geystay ayaa la sheegay in goobta ka baxsadeen, waxaana goobta laga qaaday meydka marxuumka iyadoo la geeyay gurigiisa.
Ma cadda ilaa hadda sababta loo dilay ninkan ka mid ahaa shaqaalaha Bankiga Salaam Laanta Bakaaraha oo ah xarunta ugu weyn.
Dilalka noocan oo kale ah ayaa inta badan ka dhaca caasimada muqdisho, waxana lagu badhtilmaameedsadaa shakhsiyaadka magaca iyo maamuuska ku dhex leh soomaalida, balse ninkan xalay dhintay ayaa ahaa shaqaale caadi ah oo Nolol maalmeedkiisa kala soo bixi jirey Xarunta Salaam Bank.
S.D.N