Wefti Ganacsato Warshadlay ah oo Booqasho ku Yimid Somaliland iyo Wasiirka Warshadaha oo ka hadlay

Hargaysa 13.Nov 2013 (SDN)- Wasiirka wasaarada  warshadaha  j s l Md Abiib Diiriye Nuur oo uu weheliyo  agaasimaha guud ee wasaaradaasi  ayaa maanta gegeda diyaaradaha Egal international Airport ee Magaalada Hargaysa  kusoo dhaweeyay wafti ganacsato warshadlay ah oo ka socota dalka Shiinaha

Waftigan ganacsatada shiinaha ah oo  mashaariic ganacsi ka samayn doona dalka ayaa wasiirka wasaarada warshadaha j s l Mudane Abiib Diiriye Nuur uu qaabilaada  ka dib  balan qaaday  cid kasta  oo ka qeyb galaysa horumarinta  dalka  in ay soo dhawaynayaan isalmarkaa uu uga mahad naqay waftiga ganacsatada shiinaha ah ee dalka soo gaadhay socdaalkooda

Waftigan ganacsatada shiinaha ah ayaa sheegay in ay dalka  ka hirgalin doonaan ilaa labaatan wasrshadood  oo ay ka mid yihiin warshad samayn doonta gawaadhida , qalabaka elektaroonikada ,baaskiiladaha , iyo kuwo samayn doona sharaabka caruurtu ay cabto.

Waftigan oo dalka joogi doona mudo laba todobaad ah ayaa inta ay joogaan waxay la kulmi doonaan madaxweynaha j s l Md Axmed Maxamed Maxamuud Siilaanyo  iyo qaar ka mid masuuliyiinta sar sare ee xukuumada  iyagoo geesta kale booqashooyin ku tagi doona gobolada dalka iyo goobaha ku haboon in la dhiso warshadaha ay doonayaan in ay dalka ka sameeyaan

Hargaysa SDN

Qurbejoog.com