Xulka Nigeria Ayaa Ku Guuleystey Under-17 World Cup Markii Aay 3-0 Ku Mijixaabisey Xulka Mexico.(By Jaahuur)
Mohammed Bin Zayed Stadium-Abu Dhabi-Nov-09-2013-(SDN)-Asxaabtay qodabadeena ciyaaraha waxynu maanta ula ambabaxaynaa xagaa iyo Abu Dhabi oo lagu soo gagabeeyey Under-17 World Cup.
Waxaa galabta oo Jimco ah Nov-08-2013 lagu soo khatimay garoonka bilicdasan ee Mohammed Bin Zayed Stadium ee Abu Dhabi  ciyaartii kama dambeysta ahayd ee Under-17 World Cup,waxaana foodda isla galey Nigeria iyo Mexico.
Ciyaartan oo aad u xiiso badneyd ayaa waxaa ka soo qeybgaley dadweyne aan la qiyaasi Karin iyo dabcan taageerayaash labada dhinac.
Daqiiqaddii 9-aad ee qeybtii hore ayaa Mexico gool iska dhalisey,waxaana goolkaas Nigeria ugu yaboohay Erick Aquerre,laba gool oo kalana Nigeria ayaa u raacisey.
Furitaankii koobkan oo Group F ku wada jireen Nigeria iyo Mexico waxaa 6-1 ku badisey Nigeria.
Sweden oo kaalinta 3-aad ku guuleysatey 4-1-na ku khaarijisey Argentine ayaa tababaraha Sweden Roland Larsson ka dhawaajiyey in ciyaatani tahay tii iigu dambeysey mana cadeynin sababta.
W/qorey Jaahuur
SDN