Qaramada Midoobey iyo ururada suxuufiyiinta Soomaaliya iyo Somaliland oo wadjir u qabanaya abaal marinta Warbaahinta

Hargeysa Oct 25,2013(SDN)-Qaramada Midoobey iyo ururada suxuufiyiinta Soomaaliya (NUSOJ) iyo Somaliland (SOLJA) ayaa wada jir u qabanaya barnaamij lagu abaal marinayo Warbaahinta sanadka markii u horeysay.

Abaal marintan oo ah tii u horeysay ee noocaada ah oo ay dhinacyadani ka wada shaqeeyaan ayaa lagu eegi doonaa dhinacyada horumarka iyo Gargaarka.

Abaal marinta warbaahinta Soomaaliyeed ee 2013 ayaa ka codsatay in suxuufiyiintu u gudbiyaan warbixinadooda khuseeya Horumarka iyo Gargaarka.

Ururinta warbixinada suxuufiyiinta ayaa isku si uga bilaabatay magaalooyinka Muqdisho,Garoowe iyo Hargeysa.

Suxuufiyiinta ayaa heysta ilaa bisha November 6 deeda in ay hawshooda ku soo gudbiyaan.

Waa markii u horeysay ee ururada Saxaafada Soomaaliya iyo Somaliland ay wadajir u soo bandhigaan barnaamij noocan oo kale ah.

SDN-Hargeysa
contact@somalidiasporanews.com