Kulan lagu eegayo Duruustii laga bartay Diiwaangelintii Codbixiyeyaasha Somaliland iyo Sidii loo samayn lahaa Diiwaangelin Cusub oo Hargaysa lagu qabtay

Hargaysa 10.October 2013 (SDN)- Kulan ay soo qaban-qaabiyeen Guddiga
Nabad-gelyada iyo Difaaca Golaha wakiiladda JSLand, lagagana hadlayey
Diinwaan-gelintii hore ee Codbixiyayaasha iyo duruustii laga bartay
ayaa maanta lagu qabtay Huteel Maansoor ee Magaalada Hargeysa.

Kulankan oo ay  ka soo qayb-galeen Masuuliyiin ka  socda saddexda
Xisbi Qaran, Akaadamiyada Nabadda iyo marti sharaf kale, waxa
halkaasi ka hadlay, Gudoomiye ku xigeenka Labaad ee Golaha wakiilada
Mud, Cali Aw Yuusuf, waxaanuu tilmaam ka bixiyey diiwaan-gelintii hore
ee Codbixiiyayaasha ee dalka ka qabsoontay iyo duruustii iyo
Waaya-aragnimadii laga dhax-lay. Waxaanuu xusay in loo baahan yahay in
aynu ka faa’iidaysano  duruustii aynu  ka baranay diiwaan-gelintaa
hore dalka looga soo qabtay.

Mud, Cali Aw Yuusuf   waxa uu intaa ku daray, In haddii aynu ka
faa’iidaysano, si dhab ahna ugu camal falo  Waaya-aragnimadii laga
dhax-lay diiwaangelintaa hore inay  wax weyn ka tari doonto  inaanay
dhicin laba Codayni, diiwaan-gelinta  aynu damacsanahayna ay noqon
doonto mid ka bad-baada laba kaadh qaadasho.

Waxa kale oo Isna-halkaa ka hadlay Gudoomiyaha Guddiga Nabad-gelyada
iyo Difaaca Golaha wakiiladda Mud,C/raxmaan Maxamed Jaamac(C/raxmaan
Xoog), waxaanuu ka waramay ujeedada ay Guddi ahaan kulanka u qabteen.

Waxaanuu  si balaadghan faah-faahin uga bixiyey diiwaan-gelintii hore
dalka uga soo qab-soontay  iyo  mac-luumaadka iyo casharadii laga
bartay. Kuwaasi oo uu tilmaamay inay  yihiin casharo looga
faa’iidaysan karo diiwaan-gelinta aynu doonayno inay dalka ka samayno.

Waxa kale oo iyana halkaa  ka soo jeediyey  hadalo ku taxan  kulanka
iyo waaya aragnimadii diiwaan-gelintii hore laga helay ka soo Jeediyey
Xasan Cumar Khalif oo ah   Sarkaal ka tirsan Akaadamiyada Nabadda iyo
mas’uuliyiin ka socday  Saddexda  Xisbi Qaran ee dalka.

SDN-Hargaysa
contact@somalidiasporanews.com