Syria oo aqbashay goonkii Gollaha Amnaaka ee ku wejahnaa Hubkeeda Chemical-ka

Dimishiq Sept 29,2013(SDN)-Dawlada dalka Syriaa ayaa maalin uun ka dib shaacisay in ay aqbashay gooan uu soo saaray Gollaha Amaanka ee Qaramada Midoobey oo qeexayay in dalkaasi gebi ahaanba uu burburiyo hubkiisa Chemicals-ka.

Raiisul wasaaraha dalka Syria Wael al-Halqi ayaa saxaafada u sheegay goaanka dawlada Syria ee ku wejahan qaraarka QM ee burburinta hubka Chemical-ka.

“Dawlada Syria waxa ay diyaar u tahay in ay fuliso balan qaadkeedi hore ee ku wejahnaa burburinta hubka iyo qaraarka gollaha amaanka”ayuu yiri raiisul wasaaruhu.

Dawlada Syria ayaa qaraarku farayaa in sida ugu dhakhsaha badan guddi QM ka socda ugu wareejiso keydka hubkeeda si kolkaa loo burburiyo.

Gollaha Amaanka ayaa si buuxda isula qaatay in dalka Syria laga dhigo hubka Chemicalska.

SDN-Dimishiq
contact@somalidiasporanews.com