Nin Milyaneer Ahaa Oo Aasay Gaadhi Qaali ah Oo Uu Lahaa Si Uu Aahiro u Adeegsado

Lexemborg:28-Sep-2013(SDN)-Warbaahin Wararka faafisa oo la yiraa Odity Central ayaa soo bandhigtay Sawirro uu Nin ganacsade ahi ku xabaalayo Baabuur qaaliya oo uu leeyahay si uu dhimashadiisa ka dib u isticmaalo.

 

Ganacsadahan soo dhigay Bogagga Xidhiidhka Bulshada, kuwaas oo ay ka muuqato isagoo Gaadhigiisa oo ku fadhiya 500 Kun oo Dollar ku aasaya God uu u qoday, wuxuuna markaas ku fikirayay in Nolosha Raaxada ah ee uu iminka heysto aanay dhamaan doonin marka uu dhinto ka dib.

 

Sawiradan ayaa Cadho ku abuuray Dad badan oo Ninkan u arkay mid is muujis badan, iyagoo ku dooday in halka uu Lacagta Shanta Boqol ee Kun oo Dollar gaadhaysa Dhulka ku qasaarin lahaa, inuu Dadka dhibaateysan ku caawiyo.

 

Waxa ay noqotay Dhacdo cajiib ah oo inta badan Bulshadda Caalamka dhakafaar ku riday, waxaana arrintaasi qalinka kadaba qaatay Warbaahinta Caalamka oo iyana la cajiibtay Dhacdadaasi.

 

Ganacsadahani, ayaa waxaa la rumeysan yahay inuu yahay mid aad u raaxa jecel oo aan laheyn wax Diin ama dabci ah, balse uu yahay Ruux xooga saara sidii uu kusoo muuqan lahaa.

 

Ugu dambeyntii, Ganacsadahani ayaa waxa uu iminka halkaasi kusoo afjaray sticmaalka gaadhigiisa waxa uuna iibsaday gaadhi kaasi lamid ah.

 

SDN.

Contact@somalidiasporanews.com