Sarkaal ka tirsan Bangiga Adduunka oo la kulmay madaxda Puntland
Garoowe 19.Aug 2013 (SDN)- Sarkaal sare oo ka socda Bangiga Adduunka ayaa maanta madaxtooyada Puntland ee magaalada Garoowe kula kulmay madaxweyne Cabdiraxmaan Sheekh Maxamed Faroole iyo xubno ka tirsan golihiisa wasiirrada, sida uu ku soo warramay weriyaha Bar-kulan ee Garoowe.
Madaxda Puntland iyo sarkaalka oo lagu magacaabo Hugh Riddell ayaa ka wada hadlay arrimo ay ka mid yihiin baahiyaha dhaqaale iyo horumarinta bulshada.
Madaxweyne Cabdiraxmaan Faroole ayaa shir guddoominayay kulanka, waxaana kulanka kala qeyb-galay wasiirrada maaliyadda, qorsheynta, waxbarashada, caafimaadka, xannaanada xoolaha, deegaanka iyo beeraha ee Puntland.
Hugh Riddell ayaa gogol xaar u ah booqasho uu ku imaan doono Soomaaliya guddoomiyaha Bangiga Adduunka Jim Yong Kim.
Garoowe SDN.