4 ku dhimatay dagaal Galgaduud ku dhex maray xoolo-dhaqato iyo koox hubeysan
Gal Gaduud 15.Aug .2013 (SDN) Afar qof ayaa la sheegay inay ku dhinteen dagaal maanta tuulada Yac-yac ee gobolka Galgaduud ku dhex maray dad xoolo dhaqato ah iyo maleeshiyo hubeysan.
Qaar ka mid ah dadka deegaanka ayaa sheegay in maleeshiyo hubeysan ay weerartay dad xoolo dhaqato ah, taasoo sababtay inay ku dhintaan afarta qof oo labo ka mid ah ay ahaayeen maleeshiyada weerarka qaadday.
Dagaalka oo saacado socday ayaa la sheegay in hadda uu joogsaday, kaddib markii maleeshiyada ay iska caabbin kala kulantay dadka xoola dhaqatada ah.
Tuulada Yacyac ayaa u dhaxeysa deegaannada Ceelgaras iyo Xiindheere, waxaana ka taliya maleeshiyada Al-Shabaab oo horey dadka deegaanka ka dalbaday inay bixiyaan xoolo la siiyo maleeshiyaadkooda.
Gal Gaduud SDN.