Qarax ismiidaamin ah oo lala beegsaday xero ciidanka lagu tababro

Mogadishu November 05, 2022 (QJ) – Ismiidaamin uu fuliyay ruux waxyaabaha qarxa soo xirtay ayaa goordhaw ka dhacay xerada ciidamada lagu tababaro ee loo yaqaan Nacnac oo ku taalla degmada Wadajir ee gobolka Banaadir.

Ruuxan isqarxiyay ayaa bartilmaansaday dhallinyaro la sheegay saf ugu jireen si ay u galaan gudaha xerada Nacnac si ay halkaasi tababar ciidan ugu qaataan.

Goobjoogayaal ayaa saxaafada u sheegay in qaraxa oo dhimasho iyo dhaawacba sababay, ayaan wali la hubin inta baaxadiisu inta ay legtahay.

Cidina ma sheegan qaraxa maanta lal beegsaday xerada ciidan ee Muqdishu.

Qaraxa ayaa imanaya xili ciidamada dawlada iyo kuwo degaan ay isugu kaashanayaan dagaal ka dhan ah kooxda Al Shabaab.