Yuhuudda Oo Cod Dheer Kaga Digtay Halista Kooxda Al-shabaab
Televiv:Aug,26,2015(SDN/QJ)-Yuhuudda ayaa qarsan kari weyday cabsida ay ka qabto Kooxda Al-shabaab, waxana Madaxa waaxdeeda la Dagaallanka Argagixisadu uga digay muwaadiniintooda inay u safraan 27-dal oo ay Somalia kamid tahay.
Isagoo Saxaafadda kula hadlayey magaalladda Televiv ayaa waxa uu sheegay in iyadoo ay dadka Yuhuudda foodda ku soo hayso Dabaaldegga Maalmaha ay ugu yeedhaan Maalmaha Ducadda Sare “The High Holy Days” ayaa waxa uu ka digay inaanay dadka Yuhuuddu safaro aan daruuri ahayn ku tagaan 27-waddan oo uu sheegay inay Khatar ku yihiin Danaha Yuhuudda.
Mas’uulkaasi waxa uu cabsida ugu weyn ka muujiyey dalalka Turkiga, Syria, Iiraan, Lubnaan, Yemen, Sacuudiga iyo Kooxaha Shiicadda.
Waxa kale oo uu Dadka Yuhuudda uga digay inay booqasho ku tegin dalalka Somalia iyo Nigeria, oo uu xusay inay khatar kala kulmi karaan Dagaalamayaasha Alshabaab iyo Boko Haram.
Dhinaca kale, Madaxa Golaha Qaranka Yuhuudda ugu qaabilsan La-dagaalanka Kooxaha loogu yeedho Argagixisadda, Eitan Ben-David waxa uu carrabka ku dhuftay in mid ka mid ah cabsida ay qabaan tahay inay Dagaalamayaasha Kooxda Daacish weeraraan Yuhuudda ku nool Waqooyiga iyo Galbeedka Qaaradda Europe.
Waxa uu intaasi ku daray in Dagaalamayaasha Daacish ee ku laabtay Qaaradda Europe qorsheynayaan inay beegsadaan Danaha Yuhuudda ee Europe.
Madaxa Golaha Qaranka Yuhuudda ugu qaabilsan La-dagaalanka Kooxaha loogu yeedho Argagixisadda, Eitan Ben-David waxa kaloo uu ka digay Maleeshiyooyinka Islaamiyiinta ee Hawlgalladda ka wada Gacan biyoodka Siinaay, oo uu xusay inay khatar gelin karaan Saraakiisha Yuhuudda ee ku sugan gudaha dalka Masar.
SDN/QJ
Contact@somalidiasporanews.com