Yaabka Adduunka: Ninka Adduunka Ugu Buuran oo Gurigiisii La Dumiyey Si Dibadda Loogu Soo Saaro

Munich: 9-Aug-2013 (SDN)Michael Lehberger oo ah ninka ugu buuran dunida ayaa xanuun dhinaca wadnaha ah oo kusoo booday kadib, waxa uu wacay xarunta Gurmadka caafimaadka deg dega si isbitaal loogu qaado.

Mucjisada dhacday, markii ay guriga yimaadeen kooxda Gargaarka Degdegga ahi, ayaa la waayay meel laga soo saaro, maadaama iriddii guriga uu ku sadex jibaarmay oo Aanu Haba yaraate soo mari Karin  amaba aanay suurto gal ahayn in dibadda Guriga loo Soo Saaro.

Shaqaalaha gurmadka deg dega ee Magaalada Riegelsberg aya waxay khasab ku noqonay in ay dumiyaan, albaabka qolka jiifka ee uu ku noolaa ninkani 29 jirka ah oo u dhashay dalka Jarmalka.

Muddo Lix Saac ayey ku qaadatay shaqaalaha gurmadka deg dega inay guriga ka jabiyaan, iyadoo cagaf cagafyo loo adeegsaday jabinta albaabka laga soo saarayay Michael, waxaana aakhirkii lagu guuleystay in loo qaado isbitaalka, iyadoo la saaray Ambulance.

 

Somalidiasporanews.com.