Yaab: Garsoore Kaadhka Cas U Taagay Garsoore Kale Iyo Sababta Keentay Arrintaasi !

Scotland 14. May 2017 (SDN/QJ):- Dhacdo aan hore u dhicin in ayaa dhex martay garsoorayaal Ciyaareed, taasi oo ah inuu Garsoore Kaadhka Cas u taagay Garsoore kale oo ka mid labada garsoore ee loo yaqaano Calan wadayaasha, balse sida lagu soo bandhigay Fox Sports oo Wargeyska Himilo soo xigtay ayaa lagu cadeeyay in garsooraha la yidhaa Craig Thompson uu Kaadhka Cas ee lagaga baxo Ciyaarta u taagay Calan wadihii la daadihinayay Ciyaarta.

Garsoore Craig ayaa tallaabadan ku dhaqaaqay Markii Calan wade Andrew Mac William uu joojiyay ciyaarta Xaalad Caafimaad oo lasoo daristay awgeed, sida caaddada ah Kaadhka cas waxay garsoorayaashu u adeegsadaan inay Ciqaab uga dhigaan Ciyaaryahanka sida xun ugu dhaqma garoonka dhexdiisa, laakiin waa arrin ku cusub saaxada ciyaaraha in garsoore uu garsoore eryaa.

Dhacdadani waxay dhacday xilli ay wada ciyaarayeen labada kooxood ee Dundee iyo Kilmar Knock  ee ka tartama Horyaalka kubbada Cagta ee Dalka Scotland.