Yaab : Dab Si Lama Filaan Ah U Qabsaday Mooto Tartan Ku Jirtay Iyo Dhibaatada Soo Gaadhay Wadihii !

Spain 06. April 2017 (SDN/QJ):- Waa dhacdo aad u yar isla markaana halisteeda leh, waxaanay had iyo jeer ku dedaalaan dadka qaban qaabiya tartamada Mootooyinku inuu ku dhammaado si nabad qab ah, balse arrin aad u layaab badan ayaa waxay ka dhacday nin ka qayb galay tartanka Mootooyinka loo qabto, ninkan ayaa waxa uu u tartamayay Dalka Spain waxaana soo gaadhay dhaawacyo aad u darran kadib markii uu dab aan la garanayn sababta kicisay uu qabsaday isaga iyo Mootadii uu waday.

Haddaba, tartanyahanka oo magaciisa la yidhaahdo Javier Forces oo Da’diisu tahay 31 jir ayaa markii uu dabku qabsaday Mootadii isla markaana isaga jidhkiisa soo gaadhay waxa uu go’aansaday inuu sii wato tartanka, balse markii uu muddo 10 Il-bidhiqsi ah sii waday ayaa waxa uu u adkaysan kari waayay Kulaylka iyo dabka jidhkiisa soo gaadhay.

Javier ayaa la xaqiijiyay inuu nool yahay oo dhibaatada soo gaadhay ay tahay dabkaa qabsaday qaybo ka mid ah jidhkiisa.

Tartanka Mootooyinka ee noocan oo kale ah ayaa sabab halis aad u badan oo ay la kulmaan tartamayaasha.