Xulka Wiilasha Canada Xeegada Ayaa Hantiyey Biladda Dahabka Markii 3-0 Ku Aamusiyeen Xulka Sweden(Olympic Winter Games Sochi 2014) By Jaahuur.

Sochi-Russia-23-Feb-2014-(SDN-Ottawa) Asxaabtay qormadeena ciyaaraha waxaynu ku eegeyna ciyaarihii Olombikada wakhtiga qaboobaha (Winter Olympic Games Sochi 2014) oo la soo gabagabeeyey iyo Xulka wiilasha Canada xeegada oo ku guuleystey Biladda dahabka,(Gold Medal) markii 3-0 ku khaarijiyeen xulka Sweden.

Haddaba wallow oo maanta la soo afjarey ciyaarihii Olombikada qaboobaha ayaa xulalkii ka soo qeybgaley qaarna farxad guryahoodii kula noqdeen qaarna guul la’aan.

Ciyaartan kama dambeysta ahayd oo runtii aad u xiisa badneyd kana soo qeybgaleen dadweyne aad u farabadan ayaa hadana laga daawanayey aduunka siiba Canada iyo Sweden oo labda xul ka soo jeedeen.

Haddaba xulka Canada oo naflacaari ku soo gaadhey Finalka ayaa si sahal ah ku hantiyey Biladda dahabka ahaydna ciyaartii ugu fududeyd waayo waxaad ku garaneysaa goolsha aay ku badiyeen.

Akhyaartay ciyaartii dhexmartey Xulka Canada iyo Xulka Sweden oo la wadasugayey ayaa labada xulba soo bandhigeen ciyaar wnaagsan wallow aad iyo aad looga firfircoonaa xulka Sweden.

Qeybtii hore ee ciyaarta oo xulka Canada jaanta si fiican isula heleen ayaa goolkii u horeeyey Canada waxaa u saxeexey Jonathan Toews qeybtii labaadna waxaa u raaciyey Sidney Crosby qeybtii 3-na waxaa kii qalbi jabka ciyaarta ku soo gunaanadey Chris Kunitz.

Sidaana waxaa maanta ku soo gabagaboobey ciyaarihii Olombikada ee wakhtiga qaboobaha (Winter Olympic Games Sochi Russia 2014.)

W/ qorey Jaahuur

SDN-Ottawa

jJaahuue@hotmail.com