DAAWO Xulka Gobolka Awdal Oo Mari-waayay Buuhoodle, Daadhmadheedh Iyo Xaysimo Oo Barbaro Ku Kala Baxay Iyo Ciyaaraha Beri oo Jimce ah

Boorama,October 8,2015(SDN/QJ)-Gobolada Awdal, Buuhoodle,Daad Madheedh iyo Xaysimo ayaa Maanta Wada Yeeshay Tartanka Ciyaaraha Gobolada Dalka ee ka Kala Socda Magaalooyinka Boorama iyo Burco.

Xulalka Gobolada Maroodi Jeex iyo Buuhoodle ayaa Ciyaar adag ku Yeeshay Garoonka Xaaji Daahir Cilmi ee Magaalada Boorama.

Labada Xul ayaa soo bandhigay Ciyaar ku dhisan Weerar iyo Weerar Celis, Xulka Gobolka Buuhoodle ayaa qurux badan dhex dhigay Goolka Gobolka Awdal hasa yeeshee waxaa markaas kadib Kubada la wareegay Xulka Awdal waxayna Kubad laga soo shaqeeyay ku hubsadeen Goolka Gobolka Buuhoodle.

Waxayna Ciyaartaasi ku soo dhamaatay Bar bar dhac 1 Gool iyo Hal Gool ah, Xulka Gobolka Awdal ayaa haysta Afar dhibcood halka Xulka Gobolka Buuhoodle uu ka haysto Hal Dhibic.

Dhinaca Kale Xulalka Gobolada Daad Madheedh iyo Xaysimo ayaa Ciyaar adag ku wada yeeshay Garoonka Alamse ee Magaalada Burco.

Labadan Xul oo hore uga soo badiyey Gobolada Togdheer iyo Badhan ayaa soo bandhigay hanaan ciyaareed farsamadiisu sarayso hasa yeeshee qaybtii hore ee  Ciyaarta ayaa Xulka Gobolka Daad Madheedh waxay la Yimaadeen Goolkoodi Kowaad ee ay Ciyaarta ku hogaaminayeen,Hasa yeeshee Xulka Gobolka Xaysimo ayaa markaas kadib soo qaaday Weerar adag Waxaana u suuro gashay inay la Yimaadaan Goolkii bar bar dhac ahaa ee Ciyaartu ku soo dhamaatay.

Labadan Xul ee Daad Madheedh iyo Xaysimo ayaa kala haysta Min Afar dhibcood.

Waxaa Maalinta Beri ku Wada ciyaari doona Garoonka Alamse Studium ee Magaalada Burco Xulka Gobolka Togdheer Iyo Badhan.

Halka Magaalada Boorama gaar ahaan Garoonka Xaaji  Daahir Cilmi ay ku wada Kulmi doonaan Xulalka Hawd iyo Maroodi Jeex Iyo Hawd.