Xulka Cameroon oo u soo Baxay (World Cup 2014) Markii 4-1 Ku Suuxisey Xulka Tunisia.(By Jaahuur)
Yaounde,Cameroon-Nov-18-2013-(SDN)-Asxaabtay qormadeena ciyaaraha waxaynu faaqideynaa ciyaartii dhexmartey xulka Cameroon iyo xulka Tunisia,kana tirsaneyd isrebreebka koobka kubadda cagta ee aduunka ka dhicidoonta dalka Brazil 2014.
Labadan xul ayaa lugtii hore (First Leg) ku wada ciyaarey Tunis wallow aan waxba la iska dhalin kuna dhamaatey 0-0.
Haddaba ciyaartan oo la wada sugayey ahaydna lugtii labaad(Second Leg) ayaa garoonka waxaa soo buuxiyey dadweynaha reer Yaounde oo lagu qiyaasey 60,000 iyo dabcan tageerayaasha reer Tunisia.
Ciyaartu qeybtii hore markii ay bilaabanteyba daqiiqaddii 4-aad waxaa goolkii ugu horeeyey Cameroon kaga farxiyey Pierre Wabo,kii labaadna daqiiqaddii 30-aad waxaa Tunisia kaga nixiyey Benjemin Moundandjo,daqiiqaddii 42-aad waxaa Tunisia niyadda u dajiyey goolna u dhaliyey Ahmed Akaichi.
Qeybtii dambe ee ciyaarta waxaa daqiiqadihii 65-aad iyo 86-aad goolalkii qalbijabka Tunisia ku khaarijiyey Jean Makoun ciyaartuna waxa ku soo gabagabodey Cameroon 4 Tunisia 1.
Xulka Cameroon ayaa markii 7-aad u soo baxdey World Cup-ka,qaaradda Africa oo laga doonayo iney ka soo qeybgalaan 5-waddan ayaa ilaa iyo hadda waxaa la hubaa oo Brazil iska xaadirin doona Cameroon,Nigeria,iyo Ivery Coast.
Waxaa la sugayaa oo Talaadada Nov-19 kala bixidoona Ghana vs Egypt iyo Algeria vs Burkina Faso.
W/qorey Jaahuur
SDN