Xukuumadda oo xabsiga u Taxaabtay Nin U Feedhanayey inuu Noqdo Suldaanka Beelaha Bahabar-magaadle

 Hargeysa:10-Sep-2013(SDN)-Ciidamada Ammaanka somaliland ayaa maalintii shalay xabsiga u taxaabay Mukhtaar Muusse Jibriil oo hore u sheegay inuu diyaar u yahya sidii uu u noqon lahaa Suldaanka Ba-habar Magaadle.

Ninkan  isu cumaamadayey inuu Nodqo Suldaanka Beelaha Ba-habar Magaadle ayaa haatan lagu hayaa saldhigga dhexe ee Magaalada Hargeysa, waxana ku talo-galkiisu ahaa inuu isla bishan aynu ku jirno noqdo Suldaankan uu hore u shaaciyey.

Toddobaadkii hore sidan oo kale waxa ay Xukuumaddu xabsiga Berbera u taxaabtay Caaqil ay Caleemo saarteen Beesha Reer Iidle ee Ciise Muuse, kaasoo lala xidhay Afar Oday oo ka mid ah kuwii Caleemo saaray.

 

Ilaa imika wax war ah oo rasmi ahi kama uu soo bixin xadhiga suldaanka waxase wararka hoose ee soo gaadhaya shabadda Qurbejoog.com sheegayaan inuu jiro muran ka jira dhinaca jagada uu ninkani doonayo, taasina ay keentay warwar laga qabo inay nabadgelyo darro timooddo.

 

Somalidiasporanews.com

Contact@somalidiasporanews.com