Xukuumada Somaliland oo dib u soo noleyneysa Xuquuqul Qowlka

Hargeysa (QJ) – Xukuumadda Somaliland ayaa ku dhawaaqday qorsheyaal kor loogu qaadayo ilaalinta xoriyatul-qawlka, iyadoo la hubinayo in aan la xidhin shakhsiyaad iyo suxufiyiin hadallo aanay xukuumaddu jeclayn.

Wasiirka Warfaafinta Mudane Axmed-yaasiin Sheekh Cali Ayaanle oo daba socda balan qaad uu dhawaan Madaxweyne C/raxmaan Maxamed C/laahi Cirro u jeediyay warbaahinta iyo ururada bulshada rayidka ah, ayaa caddeeyay in ay xukuumad ahaan ka go’an tahay ilaalinta xoriyatul qawlka.

“Waxaan dammaanad qaadnay in aan qofna loo xiri doonin fikraddiisa, mar haddii uu sharciga jabin waayo, wariye aan loo xirin inuu tabiyo warar xaqiiqo ah oo aan la jeclayn, waxaan hiigsaneynaa inaan noqono ummad sharciga lagu hago iyadoo la ilaalinayo. xorriyadda,” ayuu yiri wasiirku.

Warbixin sanadeedka kasoo baxda American Freedom House waxa ay inta badan Somaliland ku sheegtay inay kaalmaha hore kaga jirto ilaalinta xuquuqda madaniga ah iyo siyaasada, iyadoo mararka qaar ka saraysa Kenya, isla markaana hormoodka ka ah arrimahan bariga Afrika.

Si kastaba ha ahaatee, horumarka Somaliland ee dhinaca siyaasadda iyo xorriyaadka madaniga ah waxa wiiqay xadhig joogto ah oo lagula kacayo suxufiyiinta iyo shakhsiyaadka aragtidooda ka dhiibta dhaliilaha dawladda.

Madaxweyne Cirro iyo Xisbigiisa Waddani waxay ku ballan-qaadeen ololihii doorashada inay xoojinayaan ilaalinta xuquuqahaas aasaasiga ah.