Xisbiga Ucid oo Magacaabay Xoghayaha Kaluumaysiga iyo khayraadka Bada ee Xisbigaasi

Hargeysa July 12,2014(SDN/QJ)-Warsaxaafadeed uu ku sexeexa yahay Guddoomiyaha xisbiga mucaaridka ah ee UCID ayaa lagu magacaabay masuulka xisbigaa uGu qaabilsanaan doona Kalluumeysiga,warsaxafadeedka masuulka lagu maacaabay ayaa sidan u dhignaa:

Gudoomiyaha Xisbiga Caddaalada iyo Daryeelka UCID, Markuu latashaday Guddida Fullinta ee Xisbiga UCID, Markuu arkay baahida wayn ee loo qabo in la Magacaabo Xilka Banaan ee Xoghayaha Kalluumaysiga iyo Khayraadka Badda ee Xisbiga UCID. Ka dib Markii uu arkay firfircoonidiisa iyo kartidiisa mudadadii uu Xisbiga ka tirsanaa Waxa loo Magacaabay Maanta oo ay Taariikhdu tahay 12/07/2014, Md. Cabdillaahi Cumar Xuseen (Shaqalle), Xoghayaha Kalluumaysiga iyo Khayraadka Badda ee Xisbiga UCID.

Sidaa awgeed waxa la faray in hawshiisa si dhakhso ah u bilaabo kana soo baxo waajibaadka loo igmaday.

Waxaanu Illaahay uga baryaynaa in uu u fuduudeeyo xilka loo dhiibay.

 

Wabillaahi Tawfiiq

 

Gudoomiyaha Xisbiga UCID Eng. Faysal Cali Waraabe