Xisbiga Mucaaridka ah ee Waddani oo Rajo Wanaagsan ka Muujiyey In Isbedelkii ay ku Baaqeen uu ku imanayo Hogaaminta Waddanka Fariin adagna u Diray Xisbiga Kulmiye oo Sheegtay Guushii Doorashadda Madaxtooyadda  DAAWO

Hargeysa 15. November 2017 (SDN/QJ ):-Gudomiyaha ku Meelgaadhka ah ee Xisbiga Waddani Xildhibaan C.qaadir Xaaji Ismaaciil Jirde ayaa Caawa sheegay in Xisbigoodu uu rajo fiican ka qabo in isbedelkii ay rabeen uu Somaliland ku imanayo Waxaa uu xusay in xisbiyada iyo Komiishanku ku heshiiyeen in aan laga hor dhicin natiijada doorashadda hasa yeeshee waxa uu cadeeyay in Xisbiga Kulmiye uu Maanta isku hambalyeeyay inuu hantiyey Guusha doorashadda Madaxtooyadda Somaliland.

Gudomiyaha ku Meelgaadhka ah ee Xisbiga Waddani Xildhibaan C.qaadir Xaaji Ismaaciil Jirde waxa uu sheegay inaanu wax cabsi ah ka qabin Natiijada ka soo bixi doonta doorashadii Madaxtooyadda Maadaama ay shacabka Somaliland u codeeyeen Isbedel dalka ka dhaca.