Xulka Germany oo 7-1 Afka Juuqda Gabey Uga Dhigey Xulka Brazil(World Cup Semi Finals) By Jaahuur.

Brazil-09-June-2014-(SDN) Saaxiibayaal qormadeena ciyaraha waxaynu ku eegeyna Brazil oo danbiilo goolal ah shaandhada lagaga dhigey talow maxay galabsatey?

Akhyaartay ciyaartan oo lawada sugayey oo la islahaa waa ciyaar lagu raaxeysan doono ayaan u dhicin sidii la filayey oo xitaa bahweynta ciyaaraha jecel waxay is lahaayeen waxaa la iskaga badin doonaa goolal aan badneyn ama waxaa la isla gaadhi doonaa rigoorayaal,laakiin waxyaabihii la saadaalinaayey sdii la rabey umey dhicin.

War iyo dhamaantii Ciyaartu markey bilaabanteyba waxa garoonka iyo kubadda xukumaadoodaba waxaa hogaanka u qabtey xulka Germany oo dhinac kastaba u baashaalayey.

Qeybtii hore ee ciyaarta Germany waxaa goolkii u horeeyey daqiiqaddii  11-aad qalinka ugu duugey Muller,kii labaadna waxaa daqiiqaddii 23-aad u raaciyey Klose,kii 3-na waxaa kaga yaabsadey Kroos,kii 4-na isla kroos ayaa ugu deeqey,kii 5-na waxaa ku baashaaley Khedira.

Qeybtii dambe ee ciyaarta fari kama qodna faanoole daqiiqaddihii 69-aad iyo 79-aad waxaa waxaa ku karbaashey kuna sagootiyey Shurrle,Laakiin goor aay xeedhiyo fandhaal kala dhaceen waxaa dhamaadkii ciyaarta goolkii ugu horeyey brazil ku sadaqeystey Oscar.

Haddaba walow aay Brazil ka maqnaayeen Silva iyo Nymar uma noqoneyso marmarsiiyo Brazil jabka ku dhacay iyaga oo waliba gurigooda ku ciyaaraya.

Asxaabtay bal eynu eegno bari waxa kala qabsada Netherland iyo Argentina haddii Ala ina gaadhsiiyo.

W/Jaahuur

SDN

jjaahuur@hotmail.com