Xildhibaan Ka Tirsan Baarlamanka Soomaaliya Oo Ka Soo Jeeda Somaliland Oo Weerar Lagula Beegsaday Badhtamaha Muqdisho

Muqdisho 05.April 2016 (SDN/QJ)-Xildhibaan Maxamed Cali Daheeye oo ka tirsan baarlamanka dalkaasi soomaaliya ayaa goor dhaweyd weerar lagula beegsaday meel u dhaw suuqa bacadlaha ee degmada xamar weyne ee magaalada muqdisho.

Weerarkaasi ayaa waxa ku naf waayey dirawalkii gaadhiga u waday xildhibaanka iyo mid ka mid ah ilaaladiisa, halka xildhibaanka uu dhaawac ka soo gaadhay isla markaana lagu daaweynayo cusbitaalka muqdisho.

Dablayda weerarkan geysatay ayaa wadatay gaadhi, islamarkiina goobta ka fakaday oo aan gacanta lagu dhigin, balse idaacada VOA ayaa sheegtay inay weeraarkaasi ay sheegteen xarakada Al-shabaab.