Xarun Lagu Tababarayo Dadka Xajka Soo Gudanaya Oo Muqdisho Dhexdeeda Laga Hirgeliyey
Muqdisho:Aug,17,2015(SDN/QJ)-Xarunta loo yaqaanno maqaamu ibraahim ee Gudaha Magaalada Muqdisho, ayaa laga hirgeliyey goob loo ekaysiiyey xaramka, waxana halkaas lagu tababarayaa Boqolaal qof oo sanadkan gudashada waajibaadka xajka diyaar u ah.
Xaruntan oo laga dhex dhisay dhismaha Maqaamu Ibraahiim ayaa lagu magacaabaa Safaa, iyadoo dadka tababarka qaadanaya ay si ficil ah u sameynayaan qaababka loo xajiyo.
Dhismaha kacbada loo ekeysiiyay ayaa dadku waxay ku tababaranayaan sidii iyaga oo xajinaya oo kale, waana markii ugu horeysay oo gudaha dalka Soomaaliya uu ka furmo tababar noocan oo kale ah.
Dhinaca kale waxaa tababarka bixinaya culumaa’udiin iyagu door biday inay hagaajiyaan nidaamka loo xajiyo oo Soomaalidu qaarkood aanay garaneyn habka loo xajiyo iyo shuruudaha looga baahan yahay qofka xajinaya.
SDN/QJ
Contact@somalidiasporanews.com