Xafladd Lagu Soo Bandhigaayay Barnaamij Siyaasadeedka Xisbiga WADDANI oo Hargeysa Lagu Qabtay DAAWO

Hargeysa,25Nov,2015(QJ/SDN)-Xisbiga Mucaaridka ah ee WADDANI ayaa magaalada Hargaysa ku soo bandhigay barnaamijka xisbiga,waxaana goobtaasi khubad ku saabsan mabaadii’da guud ee xisbiga WADDANI ka jeediyay.

Guddoomiyaha xisbiga Cabdiraxmaan CIRRO ayaa sheegay inuu xisbiga WADDANI ka ka shaqayn doono horumarka dalka ,isagoo sheegay  inuu barnaamijkani dalka ku hoggaamin doono caddaalada iyo horumar.

“Barnaamijka Siyaasiga ah ee Xisbiga WADDANI waxa uu ku saleysan yahay mabaadiida Guud ee Xisbigu ku dhisan yahay oo ah badbaadinta shacbigiisa, hantidiisa ugu qaalisan oo ah dhaqankiisa wanaagsan iyo diintiisa Islaamka”ayuu yidhi guddoomiye Cirro.

Waxa uu sheegay inuu barnaamijkani dhisayo qaranka iyo shacab midaysan,waxaanu tilaamay inuu la dagaalamayo qabyaalada iyo hay-bsoca

“Waxa uu u dhisayaa qaran iyo shacbi mideysan oo ka fayow qabyaalad iyo qayb sooc. Barnaamijku wuxuu dalka ku hogaamin doonaa cadaalad, horumar iyo ictiraaf”ayuu yidhi guddoomiyaha xisbiga Waddani.

Guddoomiye Cirro waxa uu sheegay inuu xisbiga WADDANI dib u eegis ku samayn doono mushaharka ciidamada qalabka sida

“Dib u eegista iyo wax ka bedelka nidaamka mushahaarooyinka ciidamada. kafaalad qaadashada iyo daryeelka qoysaska iyo caruurta xubnaha ciidanka ee geeriyooda hawl qaran.Sameynta Custabatal Guud ee Ciidamada “ayuu yidhi CIRRO.

Guddoomiyaha xisbiga WADDANI waxa uu sheegay in mabaadiida guud ee xisbiga ay ka mid yihiin sidii loo dhawri lahaa xuquuqal iinsaanka iyo xoriyada saxaafadda.

Halkan Hoose Ka Daawo Muuqaal Ku Saabsan Khudbaddii Guddoomiye Cirro:

Halkan Hoose Ka Daawo Khudbadii Xildhibaan Siciid Cilmi Rooble oo Isna Halkaasi Ka Hadlay:

Halkan Hoose Ka Daawo, Xil. Cabdiqaadir jirde oo sheegay in dagaalo shisheeye somaliland ku soo fooleeyhiin:

QJ/SDN: Hargeysa