Xaflad Lagu Soo Bandhigayay Murashaxnimada Eng C/Risaaq Cismaan Faarax Oo Hargaysa Lagu Qabtay + Sawiro

Hargaysa – Waxaa Magaalada Hargaysa ka dhacday  xaflad Lagu shaacinayo Murashaxnimada Eng C/risaaq Cismaan Faarax (Ina Caana-Diiq) oo ka sharaxan Xisbiga Waddani isla markaana u  tartamayaa Doorashada Golaha Wakiilada Somaliland  .

Xafladdan lagu shaacinayay Murashaxnimada Eng C/risaaq  oo ka dhacday Shiraaqle Hotel ayaa waxaa ka soo qeyb galay  Madax Dhaqameed kala duwan oo ay ka mid yihiin Suldaanka Guud Suldaan Maxamuud Xaaji C.laahi , Caaqil Maxamed Ibraahim  Kooshin , Haween , Waxgarad , Dhalinyaro iyo Madax kale .

Murashaxan oo ah Murshax la isku raacay isla markaana ka soo jeeda Beesha Baha Ismaaciil (Habaryoonis) ayaa ka sharaxan Gobolka Maroodijeex  .

Waxaana ugu horeen Munaasibaddaasi  ka hadlay Suldaanka guud suldaan Maxamuud Xaaji C/Laahi Xirsi (Suldaan Rooble) waxaanu sheegay in Murashaxani yahay Murashax ay ku mideesanyihin Beesha mid gudo jooga iyo mid dibadda joogaba .

Sheekh Axmed Xaaji Cabdi Gu-jir oo isna halkaasi ka hadlay ayaa sheegay in ay taageersanyihiin Murashaxa isla markaana ay u rajeenayaan Guul .

Waxaa iyaguna halkaasi ka hadlay Waxgarad iyo Madax kale waxaanay Dhamaantood si isku mid u muujiyeen taageerada ay u hayaan Murashaxooda iyagoo sheegay in uu yahay Murashax taagero buuxda ka haysta Deegaankiisa .