Xaasaskii Bin Laden oo Sucuudiga loo mustaafuriyay
Riyadh April 2012(SDN)-Wasaarada arrimaha guddaha ee dalka Pakistaan ayaa shaacisay in ay maanta u dhoofisay dalka Suucuudiga sadex xaas oo uu ka dhintay Osama Bin Laden iyo ubadkoodii.
Qoraalka wasaarada ayaa lagu sheegay in qoyska Bin Laden oo ka koobnaa 11 caruura iyo sadex xaas ayaa loo dhoofiyay dalkii ay codsadeen.
Qoysaskan ayaa la qabtay ka dib kolkii sanad ka hor ay ciidamada Mareykanku dileen Osama.
Ciidamada Amaanka ee Palistaan ayaa si qarsoodi ah aqal ay qoyskan ku jireen uga saaray ka dibna duyuurad u saaray.
Saxaafada ayaan loo ogolaan in ay arkaan qoysaskan la mustaafuriyay maanta.
Dawlada Sucuudiga ayaan ilaa iyo haatan ka hadal in qoysaskan la geeyay dalkii ay u dhasheen.
SDN-Riyaadh